जनता लाईव्ह :–जळगावात अत्याधुनिक अस्थिरोग उपचारांची नवी सुविधा; अशोका मेडिकव्हरची ऑर्थोपेडिक ओपीडी सुरू…
उत्तर महाराष्ट्रातील रुग्णांना दर्जेदार आणि तज्ज्ञ वैद्यकीय सेवा स्थानिक पातळीवर उपलब्ध करून देण्याच्या दिशेने एक महत्त्वाचे पाऊल उचलण्यात आले आहे. नाशिकस्थित अशोका मेडिकव्हर हॉस्पिटलने जळगाव येथे ऑर्थोपेडिक (अस्थिरोग) परिघीय ओपीडीची सुरुवात करून परिसरातील रुग्णांसाठी विशेष उपचार सुविधा उपलब्ध करून दिली आहे.
रिंग रोडवरील पियुष हॉस्पिटल येथे १६ जून रोजी या ओपीडीचे उद्घाटन करण्यात आले. या उपक्रमामुळे जळगावसह परिसरातील नागरिकांना अस्थिरोग विषयक तज्ज्ञांचा सल्ला आणि आधुनिक उपचार सुविधा आता त्यांच्या शहरातच मिळणार आहेत.
अशोका मेडिकव्हर हॉस्पिटलचे वरिष्ठ अस्थिरोग तज्ज्ञ डॉ. सागर काकतकर दर महिन्याच्या तिसऱ्या गुरुवारी दुपारी १२ ते ३ या वेळेत जळगाव येथे उपस्थित राहून रुग्णांची तपासणी, निदान आणि उपचारांसंदर्भात मार्गदर्शन करणार आहेत.
आजच्या बदलत्या जीवनशैलीमुळे सांधेदुखी, गुडघेदुखी, कंबरदुखी, खांद्याचे विकार, क्रीडाजन्य दुखापती तसेच हाडांशी संबंधित विविध आजारांचे प्रमाण वाढत आहे. अशा परिस्थितीत तज्ज्ञ डॉक्टरांची सेवा स्थानिक स्तरावर उपलब्ध होणे ही रुग्णांसाठी दिलासादायक बाब ठरणार आहे. विशेषतः गुडघा आणि कूल्हा प्रत्यारोपणासारख्या जटिल उपचारांबाबत मार्गदर्शन आणि पुढील उपचार प्रक्रियेसाठी या ओपीडीचा मोठा लाभ होणार आहे.
या सुविधेमुळे रुग्णांना उपचारांसाठी नाशिक, पुणे किंवा मुंबईसारख्या मोठ्या शहरांकडे धाव घेण्याची आवश्यकता कमी होणार असून वेळ, खर्च आणि प्रवासाचा त्रासही वाचणार आहे. जळगाव शहरात आरोग्यसेवेच्या क्षेत्रात होत असलेल्या सकारात्मक बदलांमध्ये ही सेवा महत्त्वाची भर ठरणार असल्याचे मत वैद्यकीय क्षेत्रातून व्यक्त होत आहे.
About the Author
